मंगलवार, 26 जनवरी 2016

सूरजे दुहणे दा कारोबार, होई भी सकदा


सूरजे दुहणे दा कारोबार, होई भी सकदा।
धुप्पा दा कोई साहूकार, होई भी सकदा।।
होणा लज्गे ग्लोबली करार, होई भी सकदा।
भ्यागा पर शांह दा अधिकार, हाई भी सकदा।।
पावर टिल्लरां दा एकाधिकार, होई भी सकदा।
मुश्कल ही बचें कोई लुहार, होई भी सकदा।।
डीएनए टेस्टे तिक्कर जां गल्ल जाई पुज्जी है।
किच्छ किच्छ बोलदी नुहार, होई भी सकदा।।
ऑनलाइन तां फॉरेन ते हुन ऑपरेट ड्रग रैकेट।
बदनाम झूठे मलाणा- चौहार होई भी सकदा।।

कोई टिप्पणी नहीं :

एक टिप्पणी भेजें