जिंदड़ी बारदे रैहण स्रीक

फिण फणकारदे रैहण स्रीक।
बुडकां मारदे रैहण स्रीक।।

कदी हिलाणा बुत्ता नहीं।
बुत्ते सारदे रैहण स्रीक।।

पट्टी बंड जांदी होई।
बीड़ा खारदे रैहण स्रीक।।

सिर मत्था कितणा लाणा।
जितदे हारदे रैहण स्रीक।।

कारज होये, मरणी पोयें।
मुंडां फारदे रैहण स्रीक।।

बड्डेयो बसुआर नी लाणा।
लूणा छारदे रैहण स्रीक।।

खंड खपरे टब्बरां दिक्खे।
रागां पारदे रैहण स्रीक।।

नेड़ पड़ेस जां मैहरमचारी।
जिंदड़ी बारदे रैहण स्रीक।।